ЗАЛУУ ААВ ЭЭЖ НАРТ

Би яг одоогоор нэгэн төслийн байгууллагад хоол тэжээлийн хэлтсийг хариуцан ажиллаж байна. Төсөл маань Улаанбаатар хотын гэр хорооллын хүүхэд, эмэгтэйчүүдийн хоол тэжээлийн байдлыг сайжруулах зорилготой. Өрхийн эмнэлгүүдийн эмч сувилагч болон эцэг эх, асран хамгаалагч нарт зориулан нилээд сургалтыг явуулж байна.

Нэг удаа цахим өртөө сүлжээгээр шинэ хүүхэдтэй болсон эцгийн зөвлөгөө хүссэн эмайлд хариу явууллаа. Эцгийн баярлалаа гэсэн хариутай зэрэгцээд Гүнжээхэй-ээс өөрийн эрхэлдэг онлайн сэтгүүлд хүүхэд, эмэгтэйчүүдийн хоол тэжээлтэй холбоотой буланг хөтлөх санал ирлээ. Ер нь бодоод байсан чинь дотоодод төдийгүй гадаадад байгаа Монголын залуу аав ээж нарт ч гэсэн онлайнаар мэдээлэл хүргэж яагаад болохгүй гэж. Тэгээд ч би блогоо олигтой амилуулж чадахгүй байгаа юм чинь байнга хийдэг ажлаараа амилуулж яагаад болохгүй гэж. Сайхан санал сэдэл төрүүлэхэд дэмжлэг үзүүлсэн Гүнжээхэй-д баярлалаа.

За ямар ч байсан дараахь сэдвүүдээр онлайн хичээл эсвэл мэдээлэл гаргахаар боллоо. Юуны өмнө сэдвийг зарлая. Магадгүй сонирхолтой санагдаж байвал залуу ээж, аав нар маань коммент дээр саналаа оруулаарай.

Сайн шахаж шаардвал та нарт зориулж сайхан бүтээл гаргана шүү!


СЭДЭВ:

Хоол тэжээл, асаргаа халамж
- Яагаад хүүхэд, эмэгтэйчүүдийн хоол тэжээлийн байдал илүү чухал гэж?
- Жирэмсэн байх үе, жирэмсэний хоол тэжээл, асаргаа халамж
- Төрөх үе, хөхүүл эмэгтэйн асаргаа халамж, нярай хүүхдийн асаргаа

Хоол тэжээлийн байдал гэж юу вэ? Хоол тэжээлийн дутал ба илүүдэл, тэдгээрийн ойрын болон алсын үр дагавар
- Хоол тэжээлийн гажуудал/дуталд нөлөөлөх хүчин зүйлс
- Хүүхдийн хооллолт:
o Хүүхдийг эхийн сүүгээр хооллох
o Хүүхдийн нэмэгдэл хоол
- Хүүхдийн аминдэм, бичил бодисын хангалт, тэдгээрийн дутлаас сэргийлэх нь
o А аминдэмийн дутал, сэргийлэлт
o Д аминдэмийн дутал, сэргийлэлт
o Төмөр дутал, цус багадалт, сэргийлэлт
o Иодын дутал, иод дутлын эмгэг
- Хүүхдийн өсөлт ба хөгжил
o Өсөлтийн үнэлгээ, өсөлтийн хүснэгт, өсөлтийн муруй
o Хөгжлийн үнэлгээ, хөгжлийн үе шатны бүлэг үзүүлэлтүүд
- Хүнсний баталгаат байдал, хүнсний аюулгүй байдал
o Хүнсний хангамж, илчлэг
o Хүнсний эрүүл ахуй